KITUO CHA UWEKEZAJI CHAWAPONGEZA WAKUU WA MIKOA KATIKA JITIHADA ZAO ZA KUHAMASISHA UWEKEZAJI MIKOA YA KANDA YA ZIWA

Mkurugenzi Mtendaji wa Kituo cha Uwekezaji amewapongeza Wakuu wa Mikoa wa Kanda ya Ziwa katika juhudi zao za kuhakikisha Kongamano la Uwekezaji Kanda ya Ziwa linafanyika.

Mikoa ambayo itashiriki katika Kongamano la Uwekezaji la Kanda ya Ziwa ni Mwanza, Geita, Mara, Simiyu, Kagera na Shinyanga Kongamano ambalo kwa pamoja litawakutanisha Wawekezaji pamoja na Serikali katika kujadili vivutio vya Uwekezaji vinavyopatikana katika mikoa hiyo ya kanda ya Ziwa.

Kituo cha Uwekezaji Kimejizatiti kushirikiana na Mikoa katika kuhakikisha kuwa wawekezaji wanapatiwa huduma zinazohitajika katika Mikoa.

Kituo cha Uwekezaji na Mikoa wamekubaliana kushirikiana na kuhakikisha kupatikana kwa Ardhi katika Mikoa ili iweze kuwekwa kwenye Benki ya Ardhi kwa ajili ya kupatia Wawekezaji na pia kutoa Elimu kwa wananchi kuhusu sheria na taratibu zinazomtaka muwekezaji kuzifuata kabla ya kupata ardhi kwa ajili ya uwekezaji.

Kituo cha Uwekezaji pia kitafanya kazi na Makatibu Tawala wa Mikoa ili kujenga uwezo ili nao waweze kusimamia utoaji wa huduma vizuri kwa wawekezaji katika mikoa yao.

Kwa maelezo zaidi kuhusu Kongamano la Uwekezaji Tanga na Vivutio vya Uwekezaji vinavyopatikana Kanda ya Ziwa tembelea tovuti ya www.lakezoneinvestmentforum.go.tz

Pichani ni Mkurugenzi Mtendaji TIC,Bi Juliet R. Kairuki (wa tatu kushoto) akiwa kwenye picha ya pamoja na wakuu wa mikoa ya kanda ya ziwa,toka kushoto ni Mhe. Chief Kishosha Pascal Mabiti (Mkuu wa Mkoa Simiyu); Eng. Evarist Ndikilo (Mkuu wa Mkoa Mwanza) Mhe. Magalula Said Magalula (Mkuu wa Mkoa, Geita); Mhe. John Gabriel Tuppa (Mkuu wa Mkoa Mara); Col Phabian Massawe (Mkuu wa Mkoa Kagera); Mhe. Ali Nassor Rufunga (Mkuu wa Mkoa Shinyanga)